U MUNDU D’OGGI

Quantu lacrimi jettai l’atra sira
da pena si ‘nci pensu ciangiu ancora
Quantu scusi trova a genti mu s’adira
Senza u sapi a vita quant’è dura.

Fannu discursi a vanvera e banali
pretendinu ‘mbrogghi i tutti i maneri
e si non su sirvuti a doveri
minaccinu ca fannu cosi mali

Di sta erba è fatta a scupa,….
Dio criau u mundu
Bellu e ordinatu
E l’omu saggiu l’ha tutto stracangiatu.

I ‘ngenui a stu mundu stannu mali
Su tutti povirei comu a mia
I furbi cu ‘ngegnu e fantasia
Fannu u beni soji futtendu a tia.

Quantu dispiaciri, quantu duluri amaru
Di peni i tanta genti
Quantu tempo poi perdiji
Pi cunsignji, carti scritti e documenti.

Tempu persu, ghiatu spricatu
Ca na vota c’arrivaru
D’ogni beni si scurdaru
E u sangu ti fai amaru.

Fatti o toi, resta friddu, senti ammia
Ca stu mundu è sempri u stessu
Mancu Dio u po’ cangiari.

Parghelia, lì 10 Luglio 1993  Filippo MAZZEO